Хрватската Влада денеска одлучи да објави тендер за приватизација на претпријатието „Пристаниште Вуковар“, кое е во 100-процентна сопственост на државата.
Номиналната вредност на пристаништето изнесува пет милиони евра, а рокот за пријавување на тендерот е 30 дена.
Компанијата „Пристаниште Вуковар“ е концесионер на најголемото речно пристаниште во земјата и е единствена фирма која се занимава со товар и растовар на пристаништето.
Главни клиенти на компанијата се претприемачи од Хрватска и северниот дел на БиХ, но во последно време дејноста значително се намалила поради големата стагнација во економијата.
Владата ја образложи својата одлука за приватизација на пристаништето Вуковар со фактот дека има потреба од партнер, кој ќе обезбеди дополнително товарење и ќе ја заживее неговата дејност.