Хрватска ќе покрене спор против Словенија пред Европската комисија поради поставување на бодликава жица и ограда на границата поради загрозување на миграцијата на дивеч, најави министерот за внатрешни работи Ранко Остојиќ, јави ХРТ.
Министерката за надворешни работи Весна Пусиќ испрати писмо до претседателот на Европската комисија Франс Тимерманс, предупредувајќи го дека оградата од бодликава жица е непремостлива препрека за миграцијата на диви животни и дивеч во еден од најзачуваните делови на Европа.
Пусиќ истакнува дека со словенечките активности на подрачјето на Горски Котар и Истра очигледно се крши Директивата за зачувување на дивата фауна и флора и директно противречи на целите на заштита на околината во рамки на еколошката мрежа Натура 2000.