По покана на неговиот албански колега Бујар Нишани, косовскиот претседател Хашим Тачи, на трети и четврти октомври ќе престојува во официјална посета на Албанија.
Тачи, утре претпладне ќе биде пречекан со сите државнички почести од неговиот домаќин,Нишани, а по средбата, предвидена е и заедничка прес конференција. Потоа ќе има средба со премиерот Еди Рама и со спикерот на албанскиот парламент Илир Мета.
По средбите со државиот врв, Тачи ќе го посети семејството на познатиот албански писател Дритеро Аголи а попладне ќе се сретне и со лидерот на најголемата опизициска партија, Демократската,Љуљзим Баша.
Во текот на вториот ден од престојот,Тачи ќе положи венец на споменикот „Мајка Албанија“,на споменикот на Адем Јашари во Тирана а ќе се сретне со градоначалникот на Тирана, Ерион Велијај.
Тој ќе ја посети и косовската фудбалска репрезентација,која е на последни подготовки пред средбата со Хрватска во Бушат,кај северниот албански град Скадар.