Лидерот на Алијансата за иднината на Косово, Рамуш Харадинај изјави дека со законот за амнестија, за кој во Парламентот гласаа сите пратеници од оваа партија, се прави обид за интеграција на Србите од северот во институциите на Косово.
Гостувајќи синоќа во емисија на РТК, Харадинај истакна дека немало друга алтернатива, освен пратениците од Алијансата да го поддржат овој закон.
Тој смета дека на ноемвриските локални избори неговата партија ќе добие 20 отсто од гласовите и оти тие избори ќе бидат одраз на промените на политичката сцена на Косово.