Харадинај: Некој ги лаже дојдените од Албанија дека ќе бидат однесени во Германија

Од:

Косовскиот премиер во оставка Рамуш Харадинај побара од граѓаните, граѓанското општество и политичките субјекти да не ја злоупотребуваат ситуацијата со лицата кои се засолнија во Косово по силниот земјотрес што ја погоди минатата недела Албанија, јави дописникот на МИА од Приштина.

Во врска со барањата на одредени невладини организации и претставници на партијата Движење Самоопределување (ВВ) за формирање штаб за итни ситуации, Харадинај изјави дека тоа претставува исмејување на државните институции, со оглед дека Владата веќе има формирано таков штаб и ги презема сите мерки за згрижување на лицата дојдени од Албанија.

Тој ги повика албанските државјани кои не се од областите погодени од земјотресот да не доаѓаат во Косово, затоа што некој ги лаже дека ќе бидат сместени во германско – косовскиот камп за обука во Призрен, а од таму ќе бидат однесени во Германија.

– Ниеден државјанин на Албанија кој влегува на територијата на Косово нема да остане незгрижен, но не е во ред доаѓањето без критериуми на луѓе од областите кои не се погодени од земјотресот. Некој ги лаже луѓето, ги полни автобусите и ги носи во тешки услови, во зима. Не е во ред ваквата состојба да се злоупотребува, изјави Харадинај откако положи цвеќе на споменикот на првиот претседател на независно Косово, Ибрахим Ругова, по повод неговиот 75-ти роденден.

Би можело да ве интересира

Косовско–српски судир околу вистината за масакрот во селото Рачак во 1999 година

ВИДЕО: Се појави снимка од инцидентот со жената која сакаше да помине со српско знаме по мостот на Косовска Митровица

Татјана Ташкова

Османи: Влада на ЛДК и ВВ е историски момент што го побараа косовските граѓани на избори

Коснет-САД сакаат траен договор за Косово и нема да се противат на мали измени во разграничувањето

Ана Ололовска

Поранешен косовски министер осуден на две години затвор за ширење национална омраза

Ана Ололовска

Рама побара од министрите да ги вратат луѓето кои по земјотресот се засолниле во Косово

Ана Ололовска