Хаосот од косовскиот Парламент по неколку часа се пренесе и на приштинските улици каде граѓаните, од изутрина се собрани пред зградата на Собранието и со камења фрлаат кон полицијата, јави Танјуг.
Симпатизерите на опозицијата откако дознаа дека собраниската средба започнала без присуство на опозицијата, прво почнале да фрлаат со камења кон зградата на Парламентот а потоа донеле контејнери, јавуваат приштинските медиуми.
Камењата потоа ги насочиле и кон припадниците на полицијата, на кои подоцна во помош им се приклучиле специјалци.
Полицијата и специјалците со здружени сили ги потиснуваат граѓаните кон централниот градски плоштат Мајка Тереза и кон споредните градски улици.