Албанската полиција притворила грчки државјанин, во чиј автомобил, при излез од Албанија, открила две автоматски пушки „калашњиков“ и 500 куршуми, јави дописникот на МИА од Тирана.
Оружјето и муницијата биле откриени при рутинска контрола на граничниот премин „Три мостови“ на абанско-грчката граница, кој се наоѓа на околу 25 километри од градот Пермет.
Истите биле скриени под задното седиште во автомобил марка „нисан“ сопственост на притворениот грчки државјанин, Андреас Вокалис, 38 год. од Атина.
Според полицијата, пушките и куршумите тој ги купил во градот Ерсек а крајната дестинација била Грција.