Гренел: Лажна вест дека САД се за размена на територии меѓу Србија и Косово

Од:

Специјалниот пратеник на САД за дијалогот меѓу Белград и Приштина, Ричард Гренел демантираше дека Вашингтон се согласува за размена на територии меѓу Србија и Косово.

– Лажни вести, напиша Гренел на својот Твитер налог, коментирајќи го текстот што вчера го објави ЕУобсервер.

Одговарајќи директно на твитот на редакцијата, Гренел им порача дека никогаш не бил повикан, ниту му било пишано од нивна страна да одговара на тие прашања.

– Јас сум за она што ќе го договорат страните во дијалогот, фокусиран сум на економскиот развој, а не на политиката, нагласи Гренел.

ЕУобсервер вчера објави дека специјалниот претставник на САД за Западен Балкан, Метју Палмер во интервју за порталот не ја исклучил можноста за размена на територии меѓу Србија и Косово.

Тој посочил дека ги поддржува „страните да најдат начин да се вратат на преговарачка маса, да ги отворат сите важни прашања за време на разговорите и да најдат начин за нормализирање на односите“.

– Идеално би било со взаемно признание. Ние би сакале да го видиме взаемното признавање на Србија и Косово како резултат на тој процес, посочи Палмер.

Тој не одговори на дополнителни прашања за тоа дали ставот на САД е спротивен на позицијата на Германија дека договорот меѓу Србија и Косово за размена на територии може да го дестабилизира регионот.

Би можело да ве интересира

Нови шестмина заболени и исто толку излекувани од коронавирусот во Косово

Ана Ололовска

Пациентите сместени во карантинот на Белградскиот саем утре најавија штрајк со глад

А1он

Харадинај: ЕУ го забавува решавањето на косовско – српскиот спор со именувањето на Лајчак за посредник

А1он

Борел: Пандемијата ќе ја забави работата за дијалогот Белград-Приштина

А1он

Нови 305 случаи на коронавирус во Србија, вкупно 1476

А1он

Лутовац: Обраќањата на Вучиќ внесуваат вознемиреност и страв кај граѓаните на Србија

А1он