Грција се подготвува за бурна ноќ, превентивно затворени два булевари во Атина

Од:

Забрана за сообраќај на автомобили и јавен превоз од еден часот по полноќ до осум часот наутро на два булевари во Атина, затворени државните служби, градинки и училишта во Атика, охрабрување приватниот сектор да работи од дома, се превентивните мерки што вечерва ги соопшти министерот за климатска криза и цивилна заштита на Грција Христос Стилијанидис по одржаниот вонреден состанок за ситуацијата со невремето што ја зафати земјата, јави дописничката на МИА од Атина.

Стилијанидис рече дека постојат „сериозни метеоролошки индикации дека ќе има влошување на опасниот временски феномен, во периодот од три до шест часот наутро особено во областа Атика“, а подоцна и на Евија, Халкидики и островите Самос и Икарија и токму затоа се преземаат конкретните мерки, за кои истакна дека се превентивни и нема простор за паника.

Основните и средните училишта, како и градинките, во текот на утрешниот ден ќе бидат затворени во областа Атика, поширокиот дел на Атина, на Халкидики, како и на островите Евија, Самос, Крф и Икарија.

Невремето „Балос“ и силниот и обилен дожд, денеска предизвикаа сериозни проблеми во Атина, поплавени училишта, булевари, факултети, прекини во снабдувањето со електрична енергија, затворени улици и сообраќаен хаос, а проблеми имаше и во други делови на Грција.

Противпожарната служба на Грција во периодот од 10 до 20.30 часот примила 1.164 повици за помош, од кои 646 во областа Атика, поширокиот дел на Атина.

Би можело да ве интересира

Грк се забарикадира во работилница, уби две лица, сега се заканува со граната

(ВИДЕО) Егзодус од Санторини, 11.000 жители го напуштија островот

Нов, најсилен земјотрес со јачина од 4,9 степени според Рихтеровата скала попладнево го погоди Санторини

Мицотакис ги моли граѓаните на Санторини да ги слушаат упатствата на Цивилната заштита

Горан Наумовски

(ВИДЕО) Масовни демонстрации во Грција за железничката несреќа кај Темпи – инциденти на крајот од протестите

А1он

Повеќе од 25.000 домови во Австралија без струја поради невреме