Најмалку 17 лица загинаа од средата во невремето и поплавите што зафатија делови од Соединетите Американски Држави, а оттогаш се пријавени повеќе од 90 торнада во 10 сојузни држави, објави денеска ABC News.
Временските услови опасни по живот продолжија и денеска, со закани од поројни поплави во Тенеси и Арканзас, како и закани од торнадо во Луизијана, Алабама и Џорџија.
Меѓу жртвите на невремето е и деветгодишно момче во Кентаки, кое беше однесено од надојдените води додека одеше до автобуска станица, а неколку луѓе загинаа во југозападниот дел на Тенеси, откако силно торнадо го проби градот Селмер.