Во близина на Атина денеска беснее шумски пожар, кој засилен од ветерот оштети неколку домови.
Поради заканата од ширење на огнот десетина лица мораа да ги напуштат своите домови.
Според очевидците пожарот оштетил најмалку три куќи, во едно село, во близина на градот Маратон.
-Пожарот стигна до домовите, а се уште не знаеме колку лица се загрозени-изјави официјално лице од противпожарната единица, кое сакаше да остане анонимно, пренесе „Ројтерс“.
Полицијата наведе дека од тоа подрачје кое што е одалечено 40 километри од североисточна Атина, се евакуирани помеѓу 50-60 лица.
Елена Георгиевска