Грчкиот министер за финансии Евклидис Цакалатос ја повика ЕУ сериозно да се осврне кон незадоволството на граѓаните од социјалната политика, со цел да се избегне повторување на ситуација слична на Брегзит (излегување на Велика Британија од Унијата).
– Британскиот референдум треба да им послужи како лекција на Европејците. Ако противниците на Брегзит преовладаат со два-три проценти, за Европа тоа ќе биде сигнал за тревога. Доколу Европа не одреагира на загриженоста на граѓаните, вклучувајќи ги нивните пензии и плати, тогаш многу брзо е можно да се појават и други случаи на Брегзит, истакна Цакалатос.
Тој смета дека најдобрата варијанта за Британија и ЕУ ќе биде Унијата да се зачува.