Грчките власти соопштија дека 40 имигранти, кои се обиделе илегално да влезат во земјата, биле уапсени на остров во источниот дел на Егејското Море.
Имигрантите патувале со гумен чамец од Турција. Тие биле пресретнати од крајбрежната стража во близина на островот Лезбос, откако еден од имигрантите побарал помош преку мобилен телефон, соопшти грчкото Министерство за трговска флота.
Министерството истакна дека сите имигранти се во добра состојба, не соопштувајќи ја нивната националност.