Тимови на Дирекцијата за безбедност (полиција) во Истанбул преземаа масовна операција против дилери на наркотикот, што меѓу корисниците е познат по името Бонсаи.
Во рамки на акцијата беа блокирани повеќе улици во квартовите Кумкапи и Карагумрук, каде се тврди дека стоката се пласира од дилерите.
Полицијата врши претреси на различни домашни адреси и канцеларии.
Во акцијата учествуваат над 1.000 полицајци. Вклучени се, исто така, и специјално обучени кучиња, а хеликоптери им даваат помош на полициските тимови од воздух.
Во последните недели ова е трета акција на полицијата против шверцерите на наркотици. Првата беше во комплексот Башакшехир, по што следеа акциите и во редица други места низ градот. Има многу уапсени. При претресите полицајците откриле нелегално оружје и наркотици.
Пред извесно време од дрогата Бонсаи почина едно момче. Жителите на квартот во кој живеело момчето организираа протест протест против дилерите на оваа синтетичка дрога.