Турскиот министер за внатрешни работи Муамер Ѓулер, по повод најавите за нови протести во истанбулскиот парк Гези, изјави дека е недозволено да се преземаат масовни акции во паркови и на јавни места.
– Во моментот во Истанбул се прават обиди одново да се организираат незаконски митинзи, но полицијата нема да ги дозволи.
Ќе ги употреби сите средства за спречување – водени топови, солзавец и жива сила, како и други средства предвидени со законот, изјави Ѓулер.
Според него, парковите се места за дружење, „места каде се љубат децата на цвеќето, а не места каде се поставуваат шатори“.