Ѓукановиќ: СПЦ и Руската православна црква се алатки во рацете на политиката на Путин

Од:

Црногорскиот претседател Мило Ѓукановиќ, кој беше против потпишувањето на Основниот договор со Српската православна црква, тврди дека СПЦ, како и Руската православна црква, е, како што тврди, „алатка“ во рацете на политиката на рускиот претседател Владимир Путин.

– Како што знаете, ние се бориме со таков договор со Српската православна црква. А тоа што се мачиме да потпишеме таков договор со нив повторно е одраз на глобалните односи за кои зборував. Затоа што, за жал, СПЦ и Руската православна црква се само алатки или инструменти во рацете на политиката на Путин, изјави Ѓукановиќ.

Ѓукановиќ, зборувајќи за безбедносната ситуација во Европа, надворешнополитичките цели и резултати на Црна Гора, односите со Израел, Палестина и другите земји од регионот и личната политичка вклученост, рече дека Црна Гора ја вратила својата независност и покрај противењето на Србија.

– Решивме да ја вратиме независноста на Црна Гора. Србија беше жестоко против тоа, не само во времето на Милошевиќ, туку и во времето на Коштуница. Но, успеавме, без војни, без нестабилност, што не е вообичаено на Балканот. Всушност, тоа беше единствениот таков пример. Се определивме и за членство во НАТО. И во тоа успеавме. А во меѓувреме реализиравме многу силни инвестиции. Денеска чекаме да станеме дел од Европската унија, а сме пред останатите кандидати,  изјави Ѓукановиќ.

Би можело да ве интересира

Инцидент во Бар: Со нож го нападнал сопствениот брат, уапсен е за обид за убиство

Во престрелка во Црна Гора е убиен 29-годишен маж

Горан Наумовски

По силниот, уште два помали земјотреси ја погодија Црна Гора: „Силно се почувствува во Никшиќ“

Горан Наумовски

Силен земјотрес во Црна Гора

Нов земјотрес e регистриран во Црна Гора

Нов земјотрес ја погоди Црна Гора