Ветеран на хрватската армија се запали синоќа за време на протест во центарот на Загреб, јавуваат хрватските медиуми.
Засега неидентификуваниот воен ветеран е пренесен во болница во Загреб со повеќе тешки изгореници.
Мажот најпрво учествувал на протестот пред Министерството за одбрана, извикувајќи „Се за Хрватска, да живее Хрватска“. Потоа тој се полеал со бензин и се запалил, пишува хрватскиот портал „Индекс“.
Мотивот за самозапалувањето се уште не е познат. Во инцидентот е повредено уште едно лице, кое се обидувало да помогне.