Членови на 27 хрватски организации за заштита на човековите права денеска се собраа пред Амбасадата на Турција во Загреб, за да изразат солидарност со турските демонстранти.
Митингот беше под наслов „Еден свет, една борба – Хрватска е солидарна со турските граѓани“. Учесниците изразија загриженост од порастот на репресии во Турција и од бруталноста на полицијата врз активистите во Истанбул, кои веќе шест денови протестираат за заштита на парк на плоштадот Таксим во Истанбул, но протести има и во други турски градови.
Организаторите на митингот се обидоа да достават писмо со поддршка, но од Амбасадата им беше одговорено дека треба да го испратат по пошта.