Авион на хрватската авиокомпанија „Кроација ерлајнс“, со 60 патници и четворица членови на екипажот, на аеродромот во Цирих слета на „нос“ заради технички проблеми. Притоа никој не е повреден.
Инцидентот се случи синоќа по 20 часот, јавија хрватските медиуми.
Портпаролот на „Кроација ерлајнс“, Ксенија Жлоф за хрватскиот портал индех.хр, изјави дека екипажот на авионот професионално реагирал и ја следел пропишаната процедура.
Пилотите пред слетувањето пријавиле дека имаат проблеми со предниот стоен трап. Околу 40 минути кружеле над аеродромот, а потоа „слетеле на нос“.
Стануза збор за прв инцидент од овој вид на авион на „Кроација ерлајнс“ од формирањето на компанијата во 1991 година.
