Eвропскиот комесар за проширување Штефан Филе во Луксембург изјави дека со договорот помеѓу владите на Србија и Косово е обезбедена примената на косовската власт, но и дека е договорено да се признаат и интересите и првата на косовските Срби.
Тој наведе дека Србите од Косово треба да си дадат време и да го расправат тоа меѓусебно , со своите партнери од Србија, но и со соговорниците од Косово.
– Она што е предложено е во рамнотежа и обезбедува примена на косовската власт на целата територија, но договорот исто така посебно нагласи да се води сметка за интересите и правата на српското малцинство на на целата територија на Косово и Метохија – нагласи Филе.
Комесарот повика тоа да се согледа во пошироки рамки, бидејќи преговорите за договорот се водени со посредство на ЕУ, важен корак за приближување на Србија и Косово кон ЕУ, а тоа е целта која сакаат да ја постигнат граѓаните на Србија и Косово и да станат дел од Европската Унија.
-Во рамките на тој процес и членството во ЕУ, нивните права и интереси ќе бидат потполно загарантирани – заклучи евро комесарот.
Елена Георгиевска