Мисијата на Европската унија во Косово понуди награда од 27.500 евра за информација која може да води кон апсење на осомниченото лице кое уби припадник на Еулекс во минатата недела.
– Упатувам личен повик до секој кој видел нешто, да го каже. Ако сте виделе нешто невообичаено, без разлика дали е малку, Ве молам да не информирате за тоа, изјави Ендрју Карни, главен обвинител на Еулекс на прес конференција во Косовска Митровица.
На 19 септември во напад врз патролни возила на Еулекс во Северно Косово беше убиен Литванецот Аудриус Шенавичјус, припадник на Еулекс. Истрага ја вршат Еулекс и косовската полиција и тие заеднички ја понудија наградата.