Косовските медиуми јавија денеска дека до крајот на оваа година мисијата на ЕУ во Косово – ЕУЛЕКС, ќе го намали бројот на вработени за 800 лица.
Одлуката за намалување на бројот на вработени уследи по продолжението на мандатот на Мисијата до јуни 2018 година, која предвидува процес на реконфигурација.
Портпаролката на ЕУ за надворешна политика и безбедност Маја Коцијанчич изјави дека Мисијата планира реконфигурацијата да ја спроведе до крајот на годинава.
– ЕУЛЕКС ќе има вкупно 800 вработени, што е за половина помалку од бројот на лица кои беа ангажирани во претходниот мандат, изјави Коцијанчич и додаде дека отпуштањето се однесува за луѓе од Косово и од странство.