Високата претставничка на ЕУ за надворешна политика и безбедност Кетрин Ештон денеска ќе ја посети Приштина, каде што ќе се сретне со косовскиот премиер Хашим Тачи и претседателката Атифете Јахјага.
Таа во Приштина ќе допатува од Белград, каде вчера разговараше со српскиот државен врв околу постигнатите договори во дијалогот за нормализирање на односите меѓу Србија и Косово, како и за напредокот на Србија во евроинтеграциите.
Посетите на Белград и Приштина од страна на шефицата на европската дипломатија следат по 13-та рунда преговори во Брисел меѓу српскиот и косовскиот премиер, Ивица Дачиќ и Хашим Тачи, во кои, според нив, дошло до напредок по прашањата за телекомуникации и електричната енергија.