Ердоган: САД ни предлагаат Ф-16 во замена за инвестицијата за Ф-35

Од:

Турскиот претседател Реџеп Тајип Ердоган денеска изјави дека САД понудиле на Турција да и продадат борбени авиони Ф-16 во замена за нејзината инвестиција за Ф-35.

Ердоган претходно наведе дека Турција сака надомест за инвестицијата од 1,4 милијарди долари за купување на авионите Ф-35. Турција имаше порачано над сто авиони Ф-35, но САД се откажа од продажбата во 2019 година откако Анкара набави руски ракетен систем С-400.

Изминатите пет години се влошени односите помеѓу двете најголеми армии во НАТО поради несогласувањето за Сирија, зближувањето на Анкара со Москва, турските амбиции во источен Медитеран, состојбата со човековите права и медиумските слободи во Турција. Одлуката за купување на С-400 резултираше со американски санкции.

Во декември 2020 година, Вашингтон ги стави на црната листа Дирекцијата на турската одбранбена индустрија, нејзиниот шеф Исмаил Демир и уште тројца вработени. Оттогаш, САД постојано ја предупредуваат Турција да не купува дополнително руско оружје.

Ердоган изјави дека Анкара и понатаму планира да ја купи втора серија системи С-400, што може дополнително да го продлабочи спорот со Вашингтон.

Барањето за купување американски авиони тешко дека ќе добие одобрение од американскиот Конгрес. Демократите и републиканците во Конгресот се обидуваат да ја принудат администрацијата на претседателот Џо Бајден да го засили притисокот врз Анкара, пред се поради купувањето руско оружје и состојбата со човековите права.

Би можело да ве интересира

ВИДЕО: Расте бројот на жртвите од невремето во Истанбул, мајка загина штитејќи си го синот кога падна покрив врз нив

Ана Ололовска

Земјотрес од 5,1 по Рихтер го погоди западниот дел од Турција

Ана Ололовска

Четворица загинати во невремето во Истанбул

А1он

ВИДЕО: Катастрофално невреме во Истанбул, летаат покриви од згради и фасади, има и мртви

А1он

„Сбербанк“ најавува уште еден кредит за нуклеарката во Турција

Ана Ололовска

Во Истанбул уапсен осомничениот за атентатот на претседателот на Хаити

А1он