Демонстрантите ја постигнаа целта откако турската влада им вети на демонстрантите дека ќе го одложи реновирањето на централниот плоштад Таксим во Истанбул.
Турскиот премиер Ердоган одржа состанок со претставници на демонстрантите само неколку часа подоцна откако изјави дека го губи стрпението и го предупреди насобраниот народ да го напушти паркот Гези.
Ердоган вети дека ќе ја запре изградбата на трговски центар во паркот Гези додека судот не донесе одлука за неговата легалност или евентуалниот референдум по ова прашање.
Се’ уште не е познато дали одлуката ќе влијае на илјадниците демонстранти кои кампуваат во паркот Гези ќе го прекинат протестот или власта ќе испрати полиција да ги растера.
Демонстрантите соопштија дека конечната одлука ќе ја објават откако ќе ги разгледаат заклучоците кои произлегоа од синоќешниот состанок со Ердоган.
Петар Клинчарски