Турскиот претседател Реџеп Таип Ердоган денеска најави можност за одржување референдум за тоа дали Турција треба да се придружи кон Европската унија.
– ЕУ се обидува да не присили да се повлечеме од процесот на придружување. Ако не не сакат, треба тоа јасно да го кажат, тие се оние кои треба да ја донесат одлуката, изјави Ердоган за „Хуриет“.
Тој наведе дека трпението на Турција не е бесконечно.
– Ако биде потребно, подоцна ние можеме да ги консултираме и нашите луѓе, истакна Ердоган, алудирајќи на референдумот одржан во Велика Британија, кога беше изгласан излез од Унијата.
Турција сака да пристапи кон ЕУ од 60-те години на минатиот век, а официјалните преговори ги почна во 2005 година.