Албанскиот премиер, Еди Рама изјави дека она што се случи на стадионот на Партизан, во тек на натпреварот помеѓу репрезентациите на Србија и Албанија е претстава на насилство и расизам.
-Фудбалот не може да биде инструмент на политика- рече тој и додаде дека такви инциденти не може да се случат во Албанија, бидејќи Албанците и Албанија се „напредок за регионот“.
Албанскиот премиер исто така истакна дека е горд на фудбалерите од репрезентацијата на неговата држава, поради тоа што биле супериорни во играта, но и во можностите за погодок.
Инаку тој ги негира тврдењата дека неговиот брат е вмешан во инцидентот со дронот, кој во тек на натпреварот го развеа знамето на Голема Албанија над стадионот на Партизан во Белград.
Е. Г.