Турската прокурдска Демократска партија на народите соопшти дека ќе се обедини со друга прокурдска формација – Партијата за мир и демократија, пренесе БТА.
Потпретседателот на Демократската партија на народите Ертугрул Кјурчку изјави дека е донесена одлука пратениците од Партијата за мир и демократија да се префрлат во парламентарната група на Демократската партија на народите.
Тој рече оти има план за заеднички дејствија на двете формации за време на претседателските избори.
Демократската партија на народите беше создадена во 2012 опфаќајќи некои леви партии по идеја на лидерот на Курдската работничка партија Абдула Оџалан, кој излежува доживотна пресуда затвор на островот Имрали.