Двајца Романци се уапсени во Бугарија бидејќи превезувале 69 илегални мигранти.
Мигрантите се откриени во автобус на автопатот „Тракија“ во реонот на градот Сливен во Бугарија, јави дописникот на МИА од Софија.
Увидот е извршен по случаен избор од страна на Сообраќајната полиција во градот.
Двајцата романски државјани, возачи на автобус, како и 69-те странски државјани биле без лични документи, сите мажи на возраст меѓу 13 и 38 години, и се претставувале како Авганистанци.
На 14 од нив им била укажана лекарска помош поради исцрпеност, но не се во животна опасност, а 11 од нив биле прегледани во болницата во Сливен, по што се пуштени. Во болницата во Јамбол во моментов поради истоштеност се наоѓаат три лица.
Против двајцата романски државјани е покрената предистражна постапка.
Извор: МИА