Грчки земјоделци се судрија денеска со полицијата на автопатот Атина-Ламија.
Земјоделци од селото Антили, кое се наоѓа во близина на градот Ламија во централниот дел на Грција, се обиделе да го блокираат сообраќајот на автопатот. Нивните дејства биле спречени од полициски единици, по што штрајкувачите почнале да фрлаат со камења, прва и портокали, а полицијата одговорила со гас.
Според локалните медиуми, во судирите биле повредени началникот на полицијата и еден земјоделец, а уапсени се 10 лица.
Земјоделците протестираат веќе трета недела. Прифатениот пакет мерки од страна на Владата за задоволување на дел од нивните барања не беше одобрен од земјоделците.