Патниците на летот од Дубровник за Загреб во вторникот наутро доживеале вистинска драма. Силното невреме во областа Дубровник им ја отежнало работата на пилотите на Кроација ерлајнс, поради што авионот имал проблеми со полетувањето, додека кај патниците владеела паника.
Полетавме со задоцнување. Кога конечно успеавме да тргнеме, авионот „пропадна“, изјави еден од патниците за Дубровник дејли.
„Никогаш во животот не сум бил толку исплашен, а многу сум патувал. Многу луѓе врескаа, една девојка дури и плачеше“, опиша тој и додаде дека за среќа тоа искуство не траело долго бидејќи пилотот набрзо го стабилизирал авионот, а потоа успешно слетале на аеродромот во Загреб.
Иако турбуленциите не се невообичаени во тој регион, чувството да се „распаѓање“ авионот воопшто не е пријатно за патниците.