Косовскиот Уставен суд одлучи дека Заедницата на српските општини (ЗСО) ќе биде воспоставена како што е предвидено со првиот договор, кој кон крајот на август во Брисел го потпишаа претставници на Белград и Приштина.
Судот ја донесе одлуката на барање на косовската претседателка Атифете Јахјага, но утврди дека одделни принципи од договорот за ЗСО не се целосно согласно косовскиот Устав.
Со оваа одлука, која стапува во сила веднаш, престанува времената мерка воведена на 10 ноември оваа година, со која е суспендирана секоја активност околу формирањето на ЗСО.