Не сум против независност на Косово, но тоа прашање треба да го реши Белград, а Република Српска ќе ја следи Србија, рече претседателот на Република Српска, Милорад Додик.
Тој во интервју за Дојче веле, направено во октомври, а објавено денес вели дека политиката на Белград за зачувување на територијалниот интегритет е оптоварување за Република Српска, бидејќи досега тие би се одвоиле од Босна и Херцеговина.
На прашање на новинарот тој одговара дека не е против независноста на Косово.
– Ако Белград одлучи така, јас немам ништо против. Но тогаш следува моето прашање: зошто тогаш не може да се одвои РС? Ако постојат права за едни, тогаш мора да постојат права и за други, рече Додик.