Пет деца, една жена и четворица мажи се удавија откако нивниот чамец потонал крај брегот на малиот грчки остров Фармакониси, соопшти денеска претставник на грчката крајбрежна стража, пренесоа британските медиуми.
Други 13 лица, 11 мажи и две жени, биле спасени, а според изјави на очевидци двајца се уште се водат како исчезнати, изјавија претставници на грчката крајбрежна стража. Тие додаваат дека оперцијата на спасување и потрага по мигрантите била помогната од хеликоптер, патролен брод и приватни пловни објекти.
– Шестметарскиот моторен чамец потонал под непознати околности, за британските медиуми изјави еден од претставниците. „Мигрантите биле во водата кога биле забележени од спасувачкиот чамец“.
Настанот се одиграл источно од островот Фармакониси, во близина на турскиот брег.