Турција нема да дозволи да се претвори во затвор под отворено небо за бегалците, изјави вечерва во Анкара турскиот премиер Ахмет Давутоглу пред заминувањето за Брисел, каде утре со лидерите на ЕУ ќе разговара за финализирање на договорот за ограничување на приливот на бегалци кон Европа.
Како што јави ТАСС, Давутоглу нагласи дека Турција на ЕУ и предлага целосно запирање на илегалната миграција.
– Нашиот предлог кон ЕУ е се уште на маса. Нашата иницијативе е јасна и чесна. Таа има за цел целосно запирање на илегалната имиграција, рече Давутоглу, додавајќи дека се надева оти Унијата ќе донесе решенија кои ќе „ги израдуваат бегалците“.