Моделот на реконструкција на Владата на Србија ќе им биде претставен на министрите во текот на следната недела и тоа нема да биде тема на денешната редовна седница, изјави српскиот премиер Ивица Дачиќ за весникот „Данас“.
Дачиќ истакна дека реконструкцијата е „сериозна работа, на која сериозни луѓе и пристапиле на сериозен начин“ и која треба да го унапреди функционирањето на извршната власт.
Премиерот нагласи дека теоретски е можно реконструкцијата да пропадне и да има вонредни избори, но оти тоа практично е невозможно.
– Практично е речиси невозможно. Изборите сега би ја спречиле Србија и тоа никому во оваа земја не му е во интерес. Мислам дека може да сториме многу на економското закрепнување, а за избори секогаш има време, нагласи Дачиќ.