Црногорскиот Парламент ги усвои законите за медиуми и за РТЦГ

Од:

Црногорскиот Парламент вчеравечер, со гласови на пратениците на владеачката Демократска партија на социјалистите, ги усвои законите за медиуми и за националниот јавен радиодифузер Радио и телевизија на Црна Гора (РТЦГ).

Усвојувањето на двата закона беше поддржано од 41 пратеник на владеачката коалиција.

Опозицијата не присуствуваше на гласањето, оценувајќи дека е недозволиво законите за медиуми да се менуваат еден месец пред избори, пренесува РТЦГ.

Со Законот за медиуми е предвидено новинарот, на барање на државниот обвинител, да мора да го открие изворот на информации кога тоа е потребно за да се заштити националната безбедност, територијалниот интегритет и здравјето на луѓето.

Со Законот за националниот јавен радиодифузер – РТЦГ, како што е објаснето, дополнително се зајакнува механизмот на политичко-институционална независност на јавната радиодифузија, во согласност со меѓународните стандарди.

Врз основа на амандаман на црногорската Влада, од предлог законот се исфрлени институтот Договор за обезбедување јавни услуги и за формирање Управен финансиски одбор на РТЦГ.

Предвидено е пратениците и советниците да не можат да се избираат за членови на Советот на РТЦГ три години по престанокот на функцијата.

Би можело да ве интересира

Во Црна Гора денес 208 новозаразени од 658 тестирања

А1он

Почнаа преговорите на коалициите за нова влада на Црна Гора

Ана Ололовска

Конститутивна седница на црногорскиот Парламент на 23 септември

Ана Ололовска

Кривокапиќ почнува разговори за формирање нова влада на Црна Гора

Ана Ололовска

ВИДЕО: Дете на спуштено задно седиште со отворен багажник, возачот ита 90 километри на час

А1он

Абазовиќ: Ме чува полицијата, Ѓукановиќ нема лесно да ја даде власта

Горјан Грнчаровски