Поради сомнеж за криминално здружување и перење пари, специјалното обвинителство на Црна Гора покрена обвинение против опозицискиот лидер Небојша Медојевиќ.
Покрај Медојевиќ, обвинети се уште осум лица.
– Ова е нормално и очекувано. Не се напаѓаат слабите, туку силните. Ние ќе го победиме сето ова бидејќи ние ја застапуваме вистината. Само сложно, само силно!, напиша Медојевиќ на својот профил на Твитер како одговор на обвиненијата.
Sve je ovo normalno i ocekivano. Ne napadaju se slabi, nego jaki. Sve cemo ovo mi pobjediti jer iza nas je istina. Samo slozno! Samo jako! pic.twitter.com/CDTlyJvjuY
— Nebojsa Medojevic (@NebojsaMedojevi) November 14, 2017
Медојевиќ е лидер на Движењето за промени (ПзП) во Црна гора, а обвинителството објави дека по шестмесечната истрага имаат податоци и докази дека повеќе лица испрале стотици илјади евра во интерес на ПзП.
Како што објави обвинителството, Медојќевиќ во соработка со уште еден од осомничените смислиле криминален план за во легален тек да се исперат незаконски стекнати пари од градежните активности на фирмата „Градитељ“.
– Целта била тие средства да не се прикажат како приход пред надлежните органи и на тој начин да се избегне плаќањето на законските обврски, нведува изворот од Обвинителството.