Владеачката коалиција и дел од црногорската опозиција постигнаа договор за уставни промени во областа на правосудството, што е еден од условите за понатамошен напредок кон ЕУ.
За промена на Уставот на Црна Гора, потребно е двотретинско мнозинство во парламентот.
Уставниот одбор го прифати предлогот за измена на највисокиот правен акт, со кој се предвидува државниот обвинител и судиите на Уставниот суд да се избираат со двотретинско мнозинство во парламентот, а доколку такво мнозинство не се постигне ќе биде потребна поддршка од три петини пратеници.
Црногорскиот парламент за измените на Уставот во областа на правосудството ќе се изјасни на седницата која е закажана за 31-ви јули.
Уставните промени се еден од условите Црна Гора да продолжи со преговорите во поглавјата 23 и 24, кои Европската комисија ги оцени како клучни за натамошен напредок на државата во европските интеграции.
Елена Георгиевска