Циодрас: Сите екскурзии за грчките ученици привремено ќе се откажат

Од:

Портпаролот на Министерството за здравство на Грција, проф. Сотирис Циодрас на денешната прес конференција во надлежното министерство соопшти дека ќе стапи привремено откажување на сите екскурзии во странство за учениците од Грција поради коронавирусот.

„Со препорака од специјалната група на експерти и со согласност од министерката за образование, се проширува мерката за привремено откажување на организираните едукативни екскурзии, сите екскурзии во странство поради исклучителните тешкотии за пронаоѓање на контактите на потврдените случаи во странство“, рече Циодрас.

Во однос на четвртиот случај на коронавирусот во Грција, професорот објасни дека продолжува проверката на контаките и превентивно се затворени учiлишта во поширокиот дел на Атина.

Според грчките медиуми, 36-годишната жена кај која беше откриен коронавирусот е професорка.

За останатите позитивни случаи Циодрас рече дека продолжува процесот на пронаоѓање на контактите и следење на здравствената состојба на лицата кои со нив имале блиски контакти.

„Онаму каде што имаше сомнеж, се спроведе лабораториска проверка, која беше негативна. Нешто друго што е многу важно да се истакне е дека не се оценува неопходно откажувањето на масовните собири во нашата држава. Не постојат знаци на континуирано пренесување на вирусот во заедницата во Грција“, рече портпаролот на грчкото Министерство за здравство.

Професорот Циодрас, на денешната прес конференција објасни дека епидемијата се проширува во сѐ повеќе земји и има „сѐ повеќе појави на пренесување на вирусот каде што нема јасен извор на потекло”.

Во Грција се регистирани вкупно четири случаи на коронавирус, два во Солуни и два во Атина.

Би можело да ве интересира

Шестмина новозаразени од Ковид-19 во Албанија, најмалку во последните денови

Ана Ололовска

Словенија повторно се задолжува за да и помогне на економијата погодена од епидемијата

Ана Ололовска

Останете обединети, ова не е време за политика, порача американската амбасадорка во Тирана

Ана Ололовска

Франција денеска влезе во четвртата недела од мерките за ограничено движење, епидемијата сè уште во фаза на влошување

Ана Ололовска

Абе прогласи вонредна состојба во Токио и шест други области во земјата

Ана Ололовска

Кина не пријави ниту еден смртен случај во изминатите 24 часа

Ана Ололовска