Во Бугарија потврдени се четири случаи на заболени со коронавирус. Во болницата во Плевен две лица се заразени со коронавирусот, а во болницата во Габрово исто така тестовите покажале позитивен резултат од коронавирус кај двајца.
Во Плевен тестовите покажаа коронавирус кај 27-годишен маж. Тестирани беа 24 лица во болницата и позитивен на коронавирус беше и маж на 61 година, пренесува БГНЕС.
Во Габрово позитивни на коронавирус се 75-годишна жена и уште една жена, дел од медицинскиот персонал во болницата.
Поради Ковид-19 бугарската Влада денеска одржа вонредна седница, на која премиерот Бојко Борисов изјави дека се претпоставува дека нултиот пациент пристигнал од Грција.
– Личната самодисциплина во ситуацијата е многу важна. Луѓето треба да почекаат со јавните собири, изјави Борисов.
Тој додаде дека продавниците имаат доволно храна и оти луѓето не треба да прават резерви.
Борисов најави и дека попладне ќе се сретне со претставниците на компаниите кои произведуваат медицински материјали.