Бугарското Собрание денеска го ратификува Договорот меѓу Бугарија и Здружената команда на НАТО за отворање на комуникациски центар на Алијансата на бугарска територија.
Како што јави БТА, Договорот го поддржаа 120 пратеници, 20 беа „против“, а шестмина се воздржаа од гласање.
Со Договорот се предвиудува создавње на Комуникацско-информациски систем (КИС) на НАТО во Бугарија, кој ќе биде опслужуван од двајца офицери и 55 подофицери и војници. Договорот предвидува и дека системот може да се користи и за „национални цели, доколку со тоа не се нарушуваат обврските кон НАТО“.
Трошоците за изградбата на инфраструктурата на КИС ќе бидат поделени меѓу Алијансата и бугарското Министерство за одбрана.
За Договорот се изјаснија партиите од владејачката коалиција, како и дел од опозициските пратеници, додека против се изјаснија само пратеничките групи на Бугарската социјалистичка партија и на националистичката партија Атака.