Во последниве неколку години техничките универзитети во Бугарија бележат тенденција на се помал интерес за студии по машинство, термоенергетика и електротехника, јави БТА.
Според експертите, ваквата појава ја соочува Бугарија со реална опасност во следните неколку години да остане без електро и машински инжинери и компаниите да немаат доволно кадри за работа.
Проректорот на Техничкиот универзитет во Варна, Марија Маринова смета дека и во моментов во Бугарија е тешко да се најдат способни инженери, нагласувајќи дека за обуката на стручен кадар потребни се време и пари.
– Еден инеженр се создава со години, а прв и најважен услов за успех е младиот човек да ја засака професијата уште пред да седне во студентските клупи, додава Маринова.
Таа наведува дека 15 отсто од матурантите секоја година не го продолжуваат школувањето, а 15 до 20 проценти заминуваат на студирање во странство, со што, според неа, бугарските универзитети „стартуваат со минус 30 отсто“.