Брод на турската крајбрежна стража се судри денеска со товарен брод во Босфорскиот теснец, јави турската телевизија „НТВ“.
При сударот, бродот на кој се наоѓале шестмина членови на крајбрежната стража, се превртел. Три лица се исчезнати.
Гувернерот на Истанбул, Васил Шахин изјави дека екипи на крајбрежната стража и турската морската полиција започнале спасувачка операција.
– Три лица се спасени, продолжува операцијата за пронаоѓање на другите тројца, кои се наоѓале во бродот на крајбрежната стража, истакна Шахин.
Сообраќајот по Босфорскиот теснец е времено запрен.