Британскиот министер за Европа во Бугарија, се разговараше и за дијалогот меѓу Софија и Скопје

Од:

Министерката за надворешни работи на Бугарија Теодора Генчовска го прими британскиот министер за Европа и Северна Америка Џејмс Клеверли, кој е во дводневна работна посета на Софија, соопшти прес-центарот на бугарското Министерство за надворешни работи.

dobivaj vesti na viber

Како што јави дописникот на МИА од Софија, на средбата двајцата разговарале за прашања поврзани со продлабочување на билатералната соработка, состојбата во Украина и заедничките напори за градење капацитети за спротивставување на дезинформациите.

Во врска со надминувањето на последиците од случувањата во Украина, бугарската министерка Генчовска истакна дека Бугарија прави напори да им помогне на најпогодените земји во близина на зоната на конфликтот и да им пружи помош на оние кои бегаат од војната. Генчовска рече и дека Бугарија ја поддржува европската перспектива на Украина, Молдавија и Грузија.

Таа го информираше британскиот министер за европски прашања Клеверли за напорите на бугарската Влада во последните месеци за интензивирање на дијалогот со Република Северна Македонија и рече дека е подготвена да го поддржи процесот на европска интеграција на Западен Балкан по исполнувањето на потребните критериуми.

Генчовска и Клеверли се согласија дека е потребна заедничка акција за спротивставување на дезинформациите. Министерката Генчовска од своја страна истакна дека темата е во првите редови на агендата и Бугарија ја цени британската поддршка во оваа област.

Извор: МИА

Би можело да ве интересира

Видео: „Срам и арам, ни јазикот бетон, ни историјата – во ЕУ не ќе влеземе ни за 100 години“ – експерти контра владата

Анита Петровска Рајковиќ

Османи: МНР ќе ѝ предложи на Владата да го прифати предлогот на ЕУ

Анита Петровска Рајковиќ

Владата може сама да го прифати предлогот без Собрание – детали од брифингот со Ковачевски, Османи и Маричиќ

Анита Петровска Рајковиќ

Владата го објави предлогот на француското претседателство

Орце Костов

(ВИДЕО) Маричиќ: Брзо ќе почнат преговорите ако го прифатиме овој предлог

Орце Костов

Генчовска: Нема нов француски предлог, сè зависи од Скопје

Анита Петровска Рајковиќ