Главниот обвинител на Хашкиот трибунал, Серж Брамерц денеска изјави дека Обвинителството одлучило да се жали на пресудата за Воислав Шешељ, пренесе Танјуг.
Во соопштението на главниот обвинител се истакнува дека одлуката за жалба е донесена откако биле анализирани причините за ослободителната пресуда која во пишана форма ја достави судскиот совет.
Хашкиот трибунал на 31 март го ослободи лидерот на Српската радикална партија Воислав Шешељ по сите девет точки од обвинението, кои го товареа дека со говор на омраза ги поттикнувал и поддржувал воените злосторства во Хрватска и Босна и Херцеговина во текот на воените судири и протерувањето на Хрватите од Војводина.
Шешељ не присуствуваше на изрекувањето на пресудата.