Неколку десетици лица, вчера трчаа во Белград во знак на солидарност со жртвите на бомбашкиот напад на маратонот во Бостон, потсетувајќи дека станува збор за држава која се уште го памети НАТО бомбардирањето 1999 година предводено од американските сили.
Учесниците на трката за солидарност, насловена „Бостон ние сме со тебе“ поминаа покрај рушевините на владините згради уништени од НАТО бомбардирањето, а подоцна пред американската амбасада оставија порака за поддршка на жртвите на бомбашкиот напад во американскиот град Бостон, пренесе агенцијата „Асошиетејд прес“.
-Не смее да има насилство во спортот, бидејќи тој треба да обединува и да ги брише границите- изјави организаторот на трката Милан Милетиќ.
Елена Георгиевска