Авионот на Croatia Airlines, кој вчера попладне тргнал од Лондон за Загреб, слетал во Дубровник по неколку измени на планот на летот.
Имено, како што објави avioradar.net, по пристигнувањето во реонот на зоната на аеродромот во Загреб, екипажот на летот бил информиран за процедурите за слаба видливост (LVP), кои биле во сила поради маглата. Но, копилотот на летот, според нивните неофицијални информации, не бил овластен да оперира во овие услови на таа позиција. Затоа, авионот извесно време летал над Загреб, додека не се најде решение.
Решението на крајот беше Дубровник. Сплит отпаднал поради земјотресот. Авионот безбедно слетал во Дубровник во 21:40 часот.
„Останува прашањето како Кроација ерлајнс избра екипаж за летот од Лондон кој ја нема потребната обука за слетување под условите кои се вообичаени во овој период од годината на аеродромот во Загреб.
Забележуваме дека останатите авиони успешно слетале во тој период“, заклучува avioradar.net.