Никој нема право да кажува дека односите меѓу Турција и Европската унија имаат краткорочен карактер, изјави турскиот вицепремиер Булент Аранч по вчерашната седница на Владата.
– Нашите односи започнаа пред 45 години. Процесот продолжува и ние прифаќаме, дека може да се усложни поради некои препреки, призна Аранч.
Тој истакна дека блокирањето на некои поглавја од преговорите е по иницијатива на некои земји водени од внатрешно-политички причини.
– Ниту една од земјите не треба во никој случај да ги политизира преговорите или да поставува пречки од политички карактер. Сметам дека сите проблеми кои постојат во односите меѓу Турција и ЕУ, наскоро ќе бидат решени, изјави Аранч и нагласи дека Анкара води разговори со Париз и Берлин за одблокирање на некои поглавја од преговорите.