Педесет и седум отсто од Хрватите се согласуваат да се врати кирилицата во училиштата, покажуваат резултатите од спроведената анкета на интернет страницата на регионалната теливизија Х1ТВ.
Против се изјасниле 39 проценти од анкетираните, а четири отсто одговориле дека им е сеедно.
Ректорот на Универзитетот во Загреб, Дамир Бораш смета дека „оваа проблематична азбука – кирилицата“ треба да се врати во програмата на хрватските училишта. Според него, единствен начин да се надминат стравот и конфликтите околу кирилицата и латиницата е „подобро запознавање со нив“.
Oд друга страна, мандатарот за формирање нова хрватска влада Тихомир Орешковиќ тврди дека во земјата се уште не зараснале раните за двојазични натписи во Вуковар.